 Foto: Heidi Morales Larsen
Fiolin
Øyvind Skatvedt Robak har fiolinutdanninga si frå NTNU Institutt for musikk (tidl. Musikkonsetvatoriet i Trondheim). Han har spesialisert seg innan tango og klassisk musikk, men har i tillegg ein del erfaring frå diverse andre sjangrar. Han jobbar hovudsakleg som frilansmusikar og har i tillegg ei lita stilling på Ørsta kulturskule. Som frilansmusikar spelar han i mange ulike orkester i Møre og Romsdal og Vestland, samt at han tek andre typar oppdrag som solist eller innan kammermusikk osb både i og utanfor regionen. Han spelar fiolin i Tangueros del Norte, eit tangoorkester der han òg spelar bandoneón. Dette tangoorkesteret har spelt ei rekkje konsertar i både inn- og utland og har mellom anna vore to gongar i Argentina, der det har spelt konsertar i Buenos Aires og Rosario. Som fiolinist har han vore solist med desse symfoniorkestera: Lillehammer Symfoniorkester og Symfoniorkesteret ved Høgskulen i Volda. Medan han studerte bandoneón i Paris, spelte hann mellom anna også fiolin i Orchestre de la Cité Internationale i Paris, Frankrike, i tillegg til å vere frilansmusikar og kyrkjemusikar ved den Norske sjømannskyrkja i Paris. Han underviste også nokre elevar ved ICM Institut de culture musicale medan han studerte i Paris. For tida er han fast konsertmeister i Symfoniorkesteret ved Høgskulen i Volda. Han har skipa Tangofestivalen i Volda som vart gjennomført fyrste gong i februar 2013 og seinare vore med på å skipe Tormenta Tango - Sunnmøre og Nordre Nordfjord, ei tangoforeining som ynskjer å bringe tangoen ut til folket i regionen, både med musikk og dans. |
